Dakami nga FOI Youth Initiative (FYI) maysa nga nailian nga gunglo iti agtutubo ken organisayon dagiti agad-adal, dawaten mi ti nalawag nga pinagtaray ti gobyerno ken annongen da dagiti agserserbi iti gobyerno ti nadaras nga pannakaipasa ti People's Freedom of Information Act.
Dakami ket makikaysa kadagiti nadumaduma nga sektor iti kagimongan nga mang-gun-od iti nalawag nga mekanismo maar-aramid ti panangimaton iti turay, nawaya ken husto nga pangidaulo kadagiti umili.
Ikalinteganmi nga rebbeng mi ti mangammo kadagiti amin nga maar-aramid ken transakyon iti gobyerno kas naisaad sadiay konstitusyon, tapno magarantisaran iti kinalawag dagiti magidadaulo ken opisyales tapno agbalinda nga pagtuladan san ketdi nga isuda ti mangtubeng ti nasayaat nga pannakaipagna ti gobyerno.
Mamati kami nga ti People's FOI Act ket maysa nga addang tapno mapasardeng ti korupsyon ken naan-anay ti tinnulong nga mangpadur-as kadagiti umili.
Kontraenmi ti pannakairaman ti saan nga constitutional ken saan nga umannamong iti wayawaya ti Press, ti Right of Reply rides iti FOI Bill gapu ta ikkataten na ti esensya ti linteg a mapapigsa ti pannakaamo kadagiti tattao ti husto nga mapaspasamak.
Dawdawaten mi ken Presidente Benigno S. Aquino III, tapno kitaen na nga nalaing saan ket a simple a suporta laeng para iti panakaipasa ti FOI Bill tapno iti kasta maidanon na met la ti karina a panagbalbaliw kadagiti tattao.
Umap-apela kami pay iti amin a Senador ken Congressman tapno ipriyoridad da nga adalen ti inda pinagtataripnong iti FOI Bill ken wayaanda da dagiti manglaplapped kadaytoy nga gakat.
Kamaudiananna, dakayo nga pada mi nga agtutubo ken agad-adal, intayo koma agkaykaysa nga mangirupir iti pannakaipasa ti People's FOI Act, tapno agbalinen nga naan-anay nga linteg tapno iti kasta ti gobyerno tayo ti paggappuan ti talek dagiti umili.
No comments:
Post a Comment