08 July 2013

Youth Manifesto for the Passage of the People's Freedom of Information Act in the 16th Congress (CAPAMPANGAN)


Ikami yng FOI Youth Initiative (FYI), metung a pambansang ugnayan da reng aguman da reng kayanacan ampong estudyanti, a manawagan ban mika metung a gubyernung alang sasalikut ampong miki pananagutan queng pauli na ning pangapasar na ning People's Freedom of Information Act.

Makibuklud kami kareng aliwang dake na ning lipunan keng pamag-angad keng metung a mas matatag a mekanismung mamye dalan keng gubyernung makabuklat at tapat kareng memalen.

Sasang-ayun kaming dapat neng mipasar ing People's FOI Act ban mas midinang sicanan ing karapatan tamu kareng impormasyun a makapalub keng Saligang Batas at ban atiyak tana na ing pangabuklat dareng opisyal ning gubyernu at aliwa pang kawani at ban ali yamu simpling direksyun da reng mapilan a saklo ning karelang terminu ning pamanungkulan.

Maniwala kaming yng People's FOI Act yng paralan ban milako yng katiwalian at magsulung keng pakia-abe king pamangubyernu nung nukarin tune makinabang la reng bawat Pilipinu.

Tututul kami keng pamagkabit na ning probisyung Right of Reply a labag keng Saligang Batas at kontra king kalayan keng pamunye pamahayag keng kilub na ning FOI Bill uling papalabno na nini ing diwa ning metung a panukalang batas a maglayung pasicanan ing karapatan keng impormasyun dareng egana-ganang Pilipinu.

Ilingan mi kang Presidenti Benigno S. Aquino III na igitan na ing simpling deklarasyun ning suporta keng pangasabatas na ning FOI Bill at itakda neng "certified as urgent" bilang pamagtupad king keyang pengakung pamagbayu kareng memalen.

Manapela kami kareng sablang Senador ampong Kinatawan ning Ka-16 a Kongresu na agad deng ibili ing FOI Bill keng mumunang parti na ning adyendang panglehislatibu at ilako da la reng balakid a sasalabat keng pangapasar na nini.

Higit king nanu man, manawagan kami kareng lupa ming lider king dake da reng kayanacan a makiabe keng kekaming laban ban mipasar ne ing People's FOI Act a tuluyang magbayu keng kekatamung gubyernu ban maging yang metung a institusyung karapat-dapat keng tiwala da reng memaleng paglingkuran na nini.

Related Posts Plugin for WordPress, Blogger...